На 12.09.2025 во Порта Џез во Битола, се одржа промоција на вториот зборник со кој продолжува мозаикот од научни трудови кој Анима – Центарот започна да го составува уште пред неколку години. Станува збор за “Гешталт терапија во секојдневното живеење” – збир од 15 трудови кои ја одбележаа Гешталт конференцијата која се одржа од 5 до 7 јули 2024 година во хотел „Молика“ во Националниот Парк „Пелистер“ во Битола под мотото „Гешталт терапија во секојдневното живеење – ОВДЕ и СЕГА“, како и работата на едукантите на Центарот.
Овој зборник содржи авторски трудови на: Проф. д-р Сашо Кочанковски, Проф. д-р Мирјана Јовановска-Стојановска, Д-р Марија Котевска-Димовска, Вера Димовска, Д-р Мерсиха Исмајлоска, Данче Велов, Викторија Тодоровска, Д-р Розета Паскалиева, Марија Јанакиевска, M-р Марија Младеновска-Димитровска, Викторија Ќуриќ и Марија Трајковски, Анита Гаговска-Тренчевска и Јовче Крстески и семинарски трудови кои се дел од едукацијата за Гешталт психотерапевт на едукантите на Центарот: Димитар Ставрески, Јасмина Наумовска, Јасна Димитровска и Александра Јанкоска.
Издавач на Зборникот е Центарот за личен развој, едукација и психотерапија „Анима“, чиј основач е истакнатиот психолог, психотерапевт и сениор тренер, Вера Димовска, а промотор на истиот беше Проф. д-р Мирјана Јовановска-Стојановска. Голема благодарност до сите кои присуствуваа, а посебно до M-р Марија Младеновска-Димитровска која го отвори и водеше настанот.
На промоцијата на овој зборник беа доделени и сертификатите за завршен прв степен од едукацијата за Гешталт советник на едукантите: Д-р Мерсиха Исмајлоска, Ирена Запатоска-Китаноска, Анита Гаговска-Тренчевска и Марија Саботиновска-Димитриевска.
Бидејќи во периодот од половина година до сега, во Центарот се одвиваше и обука за „Спроведување на психолошко тестирање и изготвување на психолошки наод и мислење“, приликата се искористи и за доделување на сертификатите на оние кои ја завршија. Оваа обука беше спроведена од страна на Проф. д-р Сашо Кочанковски, а претходно одбрена од страна на Комората на психолози на Македонија. Сертификати за оваа обука под модулот 2 – за работа со возрасни лица добија: Марија Трајковски, Мери Божиновска, Викторија Ќуриќ, Бранкица Глигорова, Јасна Димитровска, Јан Бекиров и Јовче Крстески.
Во последниот дел од целокупнит настан, краток осврт и преглед на елементарните статистички податоци за работата на Центарот во поглед на бесплатните термини за советување за изминатите две години пред присутните даде Јовче Крстески.
Ова е продолжување на мозаикот од научни трудови и завршени фази од едукација на кој Анима – Центарот е посветен. Останува да се продолжи со добрата работа во иднина – со збогатување на професионалното искуство на едукантите на Центарот и нудење можност за советување за граѓаните на Битола и регионот.
Повеќе фотографии од промоцијата може да најдете тука.
Сите оние кои се заинтересирани за примерок од Зборникот, може да не контактираат на anima.centar@gmail.com со назнака „Нарачка на зборник“ или на телефон +38971871213 или да пишат порака ТУКА.